كنت أدمر صوري وأنا ما أدري بس لقيت الحل .. بالصور توضح الفروق ~

[فهد الدعجاني]

السلام عليكم ..

مساء الخير وجمعة مباركة عليكم جميعاً ..


لاحظواالفرق ؟؟؟؟؟

المعالجة الأولى ((قبل الاصلاحات)) :







المعالجة الثانية ((بعد الاصلاحات)) :







في صورتي الأخيرة وفي صوري للطبيعة بشكل عام اتعب كثير لما اجي ارفعها للنت واحفظ الف نسخة وازيد الحدة والالوان
وفي الأخير ما اصل للنتيجة الي اشوفها على الورق .. انا من النوع الي يعشق الصور المطبوعة ،،
وحرصي على المعالجة للطباعة نساني العرض على النت واصبحت فقط اصغرها وارفعها ..


طبعاً النتيجة ماهي مرضية فندخل في دوامة التشبع والنويز والحدة ..


شفت بعض الحلول من فتره طويلة يستخدمها بعض المصورين لكن ما اقنعتني منهاببساطة التون العام
اذا حولت الصورة سيبيا او اضفت لها نكهة لونية قوية راح تخفي عيوب الصورة اللونية مثل التكسر
لكن شخصياً ما استلذ بصور الطبيعة مع هذي التونات والنكهات الملونة ومن الحلول زيادة التشبع اللوني
عشان يعوض النقص مع الرفع ((هذي منطقية لكن الحل المطروح افضل)) وزيادة الحدة بعدة طرق وغيرها الكثير.


الصوره هذي عرضتها في المنتدى هنا قبل 3 ايام والحمدلله بوجود ناس عندها ذوق وحب لنشر المعلومة
تأكدت من الخلل الموجود في الصورة .. واستمريت خلال هذي ال3 ايام ابحث عن المشاكل والحلول
حتى قلت نسبةالنوم كثيراً بسبب هذا الموضوع المرهق .. والنتيجة ؟؟


الظاهرة: نويز في الصورة مع انها مصوره بآيزو 100 ..
السبب: تعديل الاضاءة من الcurve والlevels من صورة واحدة jpeg لدمج التعريضات وصورة الjpeg
المعلومات الرقمية الي فيها قليل واي تغيير كبير ف يالlevels يسبب تشوه.
الحل: رفع الإضاء من الصورة الخام RAW لأن البيانات فيها أعلى وفيها مرونة أكبر
وبعدها ندمج التعريضات او دمج اكثر من صورة بتعريضات مختلفة
والحل الامثل استعمال فلاتر متدرجه ND لوزن التعريض بين السماء والأرض.

الظاهرة: ضياع الألوان ..
السبب: افتح الصور RAW بالفوتوشوب واعالج لكن مهما حصل ما اوصل لنفس النتيجة الي شفتها
في الموقع الي صورت فيه او حتى الي في شاشة الكاميرا.
الحل: بالنسبة لي كمستخدم نيكون الحل Nikon capture NX واعتقد كل كاميرا لها برنامج مصاحب لتحرير الالوان
او باضافة plug-in للفوتوشوب يفهم الوان موديل كاميرتك
لتفاصيل أكثر حول هذا الموضوع هنا في مدونة الزميل المصور محمد المؤمن
http://www.almumen.com/log/?p=548

الظاهرة: الحدة مع الرفع تتغير مو زي ما ابيها ..
السبب: كنت اضبط الحدة للصورة الكبيرة واجهزها للطباعة تمام وبعدها احفظ منها نسخة صغيرة للعرض وهذا خطأ.
الحل: تعديل كل شي الا الحدة، وبعد كل شي نحفظ الصورة كبيرة ونحفظ منها نسخة صغيرة للعرض
بعدها نوزن كل حدة لوحدها لان البيكسلات ببتأثر بتصغير الصورة والحدة هي مسألة حساسة جداً
وراح تضغط البيكسلات بشكل خاطئ،، او باختصار فيه فلتر ايضاً في مدونة المصور محمد المؤمن
http://www.almumen.com/log/?p=857
الاكشن جهزه مصور اسمه alex في الديفينت آرت ،، هنا رابط الديفينت حقه
http://alex37.deviantart.com/journal...155/?offset=30
بس ما جا في بالي انه بهالقوة لكن صحيح التجربة خير برهان ..


وأخيراً المعالجة مسألة تجمع بين التقنية والذوق والي يجمع بين الاثنين فهنياَ له،
عشان كذا لازم نطور الجانب التقني بكل جديد في اساليب المعالجة والطريق لا ينتهي واتمنى نوصل لنتائج افضل وافضل،
ونطور الجانب الفني والذوق بالاطلاع على اعمال ومصورين معالجتهم ساحرة وقراءة صورهم بشكل دقيق.


وربي يوفق الجميع ومتعة ضوئية لا تنتهي ~

[M!SS LOLO]

راقت لي

يوعجبني كثيرا النوع هذا من الصور .

بوركت استاذ فهد ..

[شعاع الكون]

خـــــــــــــــــــــــــــــــــــــــــــيال
ماشاء الله يعطيك العافيه

[نبض الإبداع]

أول ماشفتها ماحسيت بذاك الفرق صراحة .. ><"
..
بعدين قعدت اشوف هالصخر و الموج اللي ورا لاحظت الفروق ..
..
يعطيك العافية بو خلف .. ~
..
موفق^^"

[بسمة]

صور فيها خيال وابداع
يعطيك العافية وزادك الله من رزقه
بوركت جهودك

[شتآ آ آ ت . . !]

واااااااااااااو روووووعه الصرااحه ,

بالتوفيييييييق ,,

[:::أصداف:::]

اخوي فهد الله يوفقك ....والى الأمااااام

على فكرة ما ندري فزت بالمسابقة الاخيرة؟


بعدستك ترقى وجهتنا :)

[M a n o l i t o]

وعليكم السلام ورحمة الله وبركاته

حقيقة واضحه للعيان اخ فهد انت صندوق علم لم يغلق ولا اظن انه سيغلق
الله يحفظك ويخليك لكل عين ترجيك ,

وأخيراً المعالجة مسألة تجمع بين التقنية والذوق والي يجمع بين الاثنين فهنياَ له،
عشان كذا لازم نطور الجانب التقني بكل جديد في اساليب المعالجة والطريق لا ينتهي واتمنى نوصل لنتائج افضل وافضل،
ونطور الجانب الفني والذوق بالاطلاع على اعمال ومصورين معالجتهم ساحرة وقراءة صورهم بشكل دقيق.

صحيح واتمنى حقا ان نكون جميعا ممكن يجمعون بين الاثنين لان الصوره بدون ذوق لاتجدي نفعا وكذلك التقنيه ^^"

سأكون متواجده بالقرب من مواضيعك فبيني وبينك تحدي قائم :D